網絡熱話︱港男月入$3萬被女友要求上繳全份糧　慘呻僅剩幾百蚊生活費：唔畀就話分手

不少情侶都會因錢銀問題發生爭拗，導致產生感情危機。近日有港男於網上發文，透露自己從事地盤，每月人工約2至3萬元，女友要求他將扣除家用後剩餘的人工全數上繳，否則便分手。港男強調自己很愛女朋友，但每月只得幾百元生活費，實在難以應付日常開始，於是詢問網民意見。

最新影片：

月入$3萬被女友要求上繳人工

該名港男於連登討論區發帖，透露自己從事地盤，「辛辛苦苦先搵得2萬幾3萬」，但每月出糧後需要給父母5000元家用，至於剩餘的人工，女友要求他全數上繳，「唔畀就話要分手」。

樓主續指，女友每月會留幾百元給他作為生活費，但在實在難以應付日常生活開支，例如上班的膳食、交通使費等。他又強調，「我真係好愛我女朋友」，遂詢問網民意見，「可以點樣同女朋友傾？」

網民勸分手：結咗婚有排你受

帖文引起網民討論，不少人建議樓主分手，及時止損，「一係立即結婚，一係立即分手，無其他選擇」、「拍緊拖就要俾晒成份糧 第時結咗婚有排你受」、「搵份少啲錢嘅工佢就會飛你，萬試萬靈」。

有網民不解為何樓主對女友的要求千依百順，「結咗婚管錢就話啫，樓主咁都肯比真係好嘢」，又笑言「一個願打一個願捱」、「依你所講同做奴隸無分別」、「如果佢下下玩分手嘅就順下佢意啦，如果你唔捨得既就個個月畀晒啲錢佢啦」。

不過，亦有網民分析，「呢個情況可以好極端，如果佢攞嚟亂使嘅你可以飛咗佢啦，但如果佢攞嚟幫你儲起佢、投資嘅，咁恭喜你有個好女朋友，建議你快啲結婚」。

點擊下圖看更多網民留言：

▼點擊圖片放大

+4

+3

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5

責任編輯：王明芳